العمل الحر افضل ام الوظيفة ؟

كلامنا عن العمل الحر هيغطى موضوعات كتير بداية من اكتشاف الموهبه او القدره او المهاره اللى عندك لدراسة السوق اللى انت هتستهدفه لتحديد سعر خدمتك او منتجك لطريقة التسويق للسوق بتاعم بس النهارده البدايه عند ايه اهمية العمل المستقل دلوقتى تحديدا

هفترض ان انت واحد من اتنين اما  ان انت بتشتغل فى شركة او  ان انت قاعد مش شغال فلو انت بتشتغل انت اكيد ملاحظ الشركات ازاى متأثره بالظروف الاقتصادية اللى بتمر بيها المنطقه بدأ يحصل تجميد للتعينات وكمان تقليل العماله حتى لو انت ممتاذ جدا فى تأدية وظيفتك وكفء ده مبقاش ضمان  ان انت بكره مش هتكون بتدور على وظيفة تانيه فلو معاك مهاره ممكن فرصتك ان انت تعرف تعمل شغل بجانب وظيفتك هتبقى افضل اذ ربما تفكر ان انت تكبر الشغل الخاص ده لو بصينا للموضوع من زاوية تانية هنلاقى ان نفس الشركات دى اللى بتقلل العماله الموجوده عندها بتحتاج انها تعمل شغل من خلال موظفين بيقدموا الخدمه من الخارج (Part Time) او بالعموله او بالساعه على حسب (Free Lancing Business) فالمنطق بيقول ان انت عندك سوق بينكمش وسوق تانى بيتسع الصح بيقول انك لازم تكون مستعد للسوق اللى بيكبر فلو قولتلى والله انا مستقر وضامن وظيفتى معنديش اى مخاطره ان انا افقدها هقولك فكر من زاوية تانية نفترض ان دخلك 10000 جنية وكنت عايش كويس بالرقم ده فى مستوى معيشى معين وبتقدر تصرف بيهم على عيشتك وتعليم اولادك والتزاماتك النهارده بعد تعويم الجنيه ال10000 جنيه دى مبقتش بتساوى 5000 جنيه فلو انت عاوز تعيش فى نفس المستوى المعيشى  اللى انت متعود عليه محتاج تغطى الفجوه ما بين الرقمين فعلشان كده العمل الحر هو ممكن يكون طوق النجاه اللى بيه هتغطى الفجوه ما بين الرقمين

اما انت لو من المجموعه  اللى قاعده مبتشتغلش فالتفكير فى العمل المستقل ممكن يفتحلك ابواب كتير انت مكنتش متخيلها وانت بتبحث عن وظيفة فى الشركات النهارده بقى عندك سوق اكبر بكتير بالاضافه لسوق الشركات فى سوق كبير جدا اللى هوه سوق العمل الحر

الملحوظه الاخيره اللى احب اقولها ان الشغل الحر او الخاص او المستقل كمان فيه حاجات كتير مش معتمده على انت ساكن فين ممكن تشتغل مع كل الدنيا ودى بتخلى فرصتك انك تلاقى شغل كتير جدا وبتخليك كمان مش تحت رحمة التقلبات الاقتصاديه اللى بتحصل فى البلد االلى انت عايش فيها