تغيير سلوك المستهلك ومضاعفة المبيعات

يؤسفنى اقولك ان انت كمان شيلت الحمار بس متزعلش كلنا بنشيل الحمار كل يوم ايه الحكاية اقولك انا ايه الحكاية

فى يوم كان جحا راكب الحمار وابنه ماشى جنبه الناس  شافوه وقالوا شوف الراجل المفترى راكب الحمار وسايب ابنه يمشى راح جحا نزل وركب ابنه على الحمار الناس قالوا شوف الواد قليل الادب هوه راكب على الحمار وابوه ماشى جنبه راح جحا واخد ابنه على الحمار الناس ماسبهومش قالوا بص المفتريين راكبين على الحمار الغلبان هما الاتنين فراحوا نزلين هما الاتنين من على الحمار وماشيين جنبه الناس قالت ايه الراجل العبيط  اللى ماشى هوه وابنه وسايبن الحمار ماشى من غير ما حد يركبه راح جحا وابنه شايلين الحمار على كتفهم وماشيين بيه وزى ماقلتلك كلنا بنتصرف بالطريقة دى اوكيه مش لدرجة انك تشيل الحمار بس احنا بنتصرف بالطريقة دى تصرفات واقوال الاخرين بتأثر على تصرفاتنا واختياراتنا ده بيسموه  Peer Pressure واللى ترجمته الحرفية ضغط الرفاق او الاقران يمكن ملهاش معنى اوى لكن المعنى هوه ازاى الناس بتأثر على تصرفتنا واختيارتنا فى دراسات كتير بتبين ان احنا بنتأثر فى تصرفتنا واقوالنا بكلام وتصرفات الناس اللى حوالينا الكلام بيأثر على طريقة كلامنا ولبسنا ومشينا الموبيل اللى بنستخدمه والعربيه اللى بنركبها وحتى مكان السكن اللى بنسكن فيه وده له علاقه بكوننا كائن اجتماعى او بنتصرف زى القطيع حكاية القطيع دى هنتكلم فيها بعدين علشان ماطولش عليك 

هقولك على دراسة واحده اتعملت علشان تثبت الموضوع ده الباحثين  جابوا 27 مراهق ودخلوهم على موقع يعملوا منه دون لود لاغانى وجابوا جزء من الاولاد دول وقالولهم على الاغانى اللى حصلها دون لود قبل كده فلقوا ان الاولاد اللى عرفوا الاغانى اللى الناس اختارتها قبلهم كان عندهم ميل  اكتر انهم يعملوا داون لود لنفس الاغانى ويسمعوها الباحثين مكتفوش بكده  هما كمان كانوا عايزين يدخلوا جوه مخ الاولاد ويعرفوا ايه اللى حصل بالضبط ولان مسأله دخول المخ دى عملية لسه مش سهله لحد النهارده فهما قرروا يستخدموا حل بديل اللى هو Function MagneticResonance Imaging واختصاره FMRI هوه عباره عن تكنيك بتقدر نقيس بيه نشاط اماكن معينة جوه المخ الباحثين جابوا مجموعه من الاولاد من سن 12 الى 17 سنه وسابوهم ينزلوا ويقيموا اغانى من my space وقالوا لمجموعه منهم تقييم الاغانى دى ومدى شعبيتها قبل كده فلقوا ان الاولاد اللى تقيمهم للاغنية بيتوافق مع تق الاغنية قبل كده يعنى لو الولد قال ان الاغنية فايف ستار وهيه تطلعت الاغنية فعلا مشهوره وتقيمها عالى الاولاد بيحصل عندهم نشاط فى منطقة معينه فى المخ اسمها Nucleus accumbens وهى منطقة فى المخ مسئولة عن الاحساس بالمكافئه يعنى لما الولد بيتوافق تقيمه للاغنية مع التقييم السابق للاغنية بيحس كانه خد جائزه  امال الاولاد اللى تقيمهم مش بيتوافق مع تقييم الاغنية لقوا ان بيحصل نشاط فى اماكن تانية  فى المخ مسئولة عن الاحساس بالتوتر والقلق فالباحثين استنتجوا ان شعورنا بالمكافئه او بالتوتر هوه اللى بيخلينا نختار ان احنا ننضم لاختيار القطيع  والموضوع ده بذوره قديمة جدا ترجع لاجدادنا  فى العصر الحجرى لما كان انعزالك عن القبيلة يعنى ان انت ممكن تتعرض انك تتاكل فوجودك جوه القطيع  كان امر حيوى لبقائك على  قيد الحياه ورغم ان خطر ان نمر ايس ايدج يكلك مش وارد اوى لكن خبراء التسويق بيستخدموا الاسلوب ده بنجاح اوى وبطرق لا تتخيلها  تعالى نشوف مثل على استخدام السلاح ده فى تسويق زوزو بيت هامستر Zhu Zhu Pets Hamster  

ده كان عبارعن هامستر من الفرو جواه روبوت وبيتحرك وبيغنى  وبيعمل مزيكا وبيعمل شوية حركات لطيفة كده  فى 2009 كان امنية كل  طفل فى امريكا  انو يجيلو الزوزو بيت هامستر ده لدرجة ان اللعبة بعد ما كان سعرها 10 دولار  كانت بتتباع على امازون بثلاث اضعاف السعر ده وعلى Ebay  بتتباع بخمس اضعاف السعر ده وبنهاية 2009 كانت الشركة اللى هيه سيبيا اللى كانت بتعمل اللعبة دى باعت بعشرات الملايين من الدولارات

والنجاح ده طبعا مكنش صدفه شركة سيبيا عملت Market Campaign استغلت فيها موضوع ال Peer Pressure ده بطريقة ذكية جدا وعملت اربع حاجات مهمين كالاتى :- 

1-  اول حاجه الشركة وزعت اللعبة هدية فى المستشفيات وحدائق الحيوانات وفى ماتشات البيسبول الكبيره
2- الشركة عملت 300 هامستر بارتى وعزمت فيها الامهات البلوجرز اللى ليهم بلوجز مهمه واديتلهم اللعبة هدية مجانية
3- الشركة عملت حلقة خاصة على mom talk ودى قناه اون لاين  والامهات شاركوا فيها فى موضوع خطير جدا اللى هوه  ماذا تعنى زوزو بيتس هامستر بالنسبة لكى النتيجة  ان الام كل اما تروح فى حته تلاقى زوزو بيتس فى وشها لدرجة ان  اللعبة خلصت تماما من كل  المتاجر فى امريكا وهنا جه دور  الحركة الرابعه اللى عملتها شركة سيبيا
4- ابتدت تقلل انتاج اللعبة وعلشان الناس تحس ان اللعبة شحت فى السوق وان فيه اقبال شديد عليها وتجنن اكتر واكتر والامثله على الموضوع ده كتيره جدا منها البيست سيلر ليست وامازون ريفيوز وامازون ريكومينديشن اللى بتركز على ان انت تختار ا اللى الناس اختاروه عرفت ان انت جحا