خطط لحياتك 

ازاى تخطط لحياتك وتحقق اهدافك ؟

1- الادوار اللى بتلعبها فى الحياه

 انت فى مسرح الحياه مش زى الممثل اللى بيمثل دور واحد على خشبة المسرح انت بتلعب ادوار كتيره فمثلا انت صاحب شركة ليك مهام وواجبات تتعلق بالاسترتيجيات والموارد البشرية المنظومه دى ده دور انت بتمثله كصاحب شركة ليك دور تانى كأب وزوج ليك دور ناحية زوجتك وكمان ليك دور ناحية اولادك تعليمهم دراستهم تطويرهم  ده دور بتلعبه ليك دور ناحية نفسك من ناحية تطوير نفسك وتعليم نفسك فبتحاول تدرس بتحاول تتعلم حاجات جديده تكتسب خبرات جديده ده يعتبر دور مهم انت بتمثله فى حياتك كمان عندك دور تانى انك تهتم بصحتك مثلا ولياقتك انك بتلعب رياضه ده يعتبر دور بتلعبه ممكن يكون عندك دور خدمى انك بتخدم الناس بتساعد الناس وده دور خيرى مثلا انت بتقوم بيه ممكن يكون عندك دور روحى اودينى  الجانب ده ممكن يكون رقم واحد بالنسبالك مركز عليه وبتديله وقت وتركيز كبير ده دور ممكن يكون ليك دور رياضى بتمارس الرياضة على مستوى الهواية او على مستوى الاحتراف ده دور ممكن تكون بتقوم بيه ايضا فى حياتك

الخلاصه ان انت لازم تحط الاعمده الاساسية قدامك على الارض واللى هيه بتمثل ادوارنا اللى بنلعبها فى الحياه

2- الاهداف دى بتتكون من مجموعة اعمده منبثققه من اعمده الادوار اللى بنلعبها كل دور انت بتلعبه بيكون ليه مجموعه من الاهداف عايز تحققها تحت هذه الادوار مثلا لو انت مدير تسويق ممكن يكون اهدافك ان انت تطرح منتجات جديده وعاوزها تكون نمره واحد فى السوق ممكن يكون اهدافك تزود المبيعات نسبة معينة دى كده تعتبر الاهداف المبنية على الدور بتاعك كمدير تسويق

3- تحقيق الاهداف دى ازاى احقق الهدف ان انت تعمله (action plane) خطة العمل اللى هيه ببساطة جدا ازاى احقق اللى انا عاوزه لو انت مثلا بتمارس الرياضه وعاوز تبقى لاعب محترف هتحط خطة عمل اول حاجه بتقول ان انت هتتمرن مثلا  3 ايام فى الاسبوع مدة التمرين مثلا ساعه ونص هتحرص على المشاركه فى كل المنافسات والبطولات اللى بتديك الخبره  والاحتكاك انك تتقدم فى اللعبه بتاعتك تبص على اللاعبين المشهورين فى المجال بتاعك وتبتدى تشوفهم بيعملوا ايه وتشوف هما وصلوا لكده ازاى فدى تعتبر خطه عمل  انت بتعملها علشان تقدر تحقق الهدف اللى انت عاوزه

فى النهاية كلنا مختلفين فى  أدوارنا  واهدافنا وخطة العمل بتاعتنا كل واحد وعمله وادواره فى مسرح الحياه والهدف الاساسى هوه تحقيق التوازن ان انت لما بتحط خطة حياتك قدام عينيك على صفحة واحده تقدر تشوف كل الادوار اللى انت بتلعبها وبالتالى حاول تحرص ان مفيش دور يطغى على دور تانى لان ساعتها مش هيكون فيه توازن حقيقى  وتحس انك ناجح فى جزء واجزاء تانيه لا والاحساس ده بيخليك تشعر بعدم الرضا